PDK-ja na ka mësuar me fjali të tmerrshme duke i përdorur në Kuvendin e Kosovës. Kadri Veseli i thoshte: « Ma hanksh » Albulena Haxhiut. Deputetët të tjerë e thrrisnin Donika Gërvalla-Schwarz, vetëm me « Zonja Schwarz » për t’iu referu faktit që ajo është e martuar me një të huaj dhe për rrjedhojë qe ështe e padenjë për të zënë një post qeveritar. Sot, deputetja Ganimete Musliu hedh një hap tjetër duke folur për trupin dhe peshën e Vjosa Osmanit. « Do të mbahesh mend se hyre në Presidencë me 100 kg e do të dalësh me 50… »
Këto komente janë edhe një herë terësisht të neveritshme dhe të papranueshme. Megjithatë, kjo sjellje tregon edhe një fatfobi endemike në Kosovë.
Duhet ta dini se shumë të rinjë, dhe veçanërisht të reja qe janë me mbipeshë nga diaspora nuk shkojnë në Kosovë, për shkak të komenteve të vazhdueshme lënduese që ju drejtohen për peshën e tyre.
Unë si një burrë me mbipeshë, kam vuajtur në Kosovë vërejtje të pandërprera për peshën time, ndonjëherë të fshehura pas dashamirësisë së pashëndetshme të dëshirës për t’u kujdesur për shëndetin tim, ndërkohë që po këta njerëz pinë më shumë se një paketë cigare në ditë. Shpesh, këto janë vërejtje krejtësisht të papërshtatshme. Një herë policët më ndaluan në Kosovë për kontroll, kur më panë, njëri prej tyre më vuri në dukje peshën time : « Koke i trash ! » Por më e keqja ishte kur isha në një restorant me një shokë dhe një shoqe, ku kamarieri erdhi të ma merrte porosinë, por ende pa porositur gjë, më shikoi dhe më tha: « Ti shumë paske nevoj me hangër ». Natyrisht si burrë i përjetoj këto vërejtje më rrallë se gratë, shumë gra me mbipeshë i nënshtrohen urdhrave edhe më të dhunshme për faktin se ato duhet të korrespondojnë me kriteret fizike që burrat i kanë vendos. Një vajzë e re që e njoh ishte një ditë në një banket martese me disa shoqe të saja, një zonjë më e moshuar ju afrua më pas dhe i tha: « Nëse i humbish 10 kg, djali im atje, martohet me ty… »
Të gjitha vërejtjet fyese, mosrespektuese dhe denigruese shkatërrojnë vetëbesimin e personave me mbipeshë. Këto vërejtje i shtyjnë ata të izolohen, të mos shfaqen në publik dhe të qëndrojnë të mbyllur në shtëpi, gjë që ka si pasojë të shtojnë edhe më shumë peshë.
Njerëzit me mbipeshë adoptojnë gjithashtu strategji për të mos u gjykuar nga vështrimi i të tjerëve. Kur shkojnë në supermarket vendosin sipër qeseve sallata dhe produkte të ashtuquajtura « të shëndetshme » për të mos u gjykuar. Kur shkojnë në një restorant, ata nuk udhqehen sa e ndjejnë nevojën nga frika se mos gjykohen. Kjo më pas ka efektin anësor, ju kthehen ushqimeve të tjera në shtëpi, duke ngrënë më shumë dhe gradualisht ju humbasin të gjitha ndjenjat qe tregojn kur ngopen apo jo.
Përfundimisht, një problem i vogël ushqimor që rrjedh nga shoqëria ku jemi duke jetuar, e shëndrohet në një problem i madh serioz për njerëzit mbipeshë, të cilët më pas ndonjëherë fillojnë të marrin në konsideratë kirurgjinë bariatrike.
Deklaratat absolutisht e urrejtjes së Ganimete Musliut qonë në banalizimin të fatfobisë në Kosovë dhe kjo është e papranueshme.
Kosova është një vend në zhvillim që mund të ketë më shumë njerëz me mbipeshë në të ardhmen. Ndoshta Ganimete Musliu do të ketë nipë ose mbesë me mbipeshë atëherë, dhe unë po ju them: nuk kishna pas dëshirë të jem në vendin e tyre.